Туркия президент Ражаб Тоййиб Эрдўғонга нисбатан ҳақоратомуз баёнотлар берган xAI (собиқ Twitter) томонидан ишлаб чиқилган Grok сунъий интеллектини блоклади.

Бу ҳақда Cumhuriyet нашри ёзмоқда.

Тақиқланишнинг расмий асоси президентни ҳақорат қилганлик учун жиноий жавобгарликни назарда тутувчи қонуннинг бузилиши бўлган. Туркия Жиноят кодексига кўра, бундай ҳаракатлар тўрт йилгача озодликдан маҳрум қилиш билан жазоланиши мумкин. Блоклаш қарори Анқара прокуратураси ташаббуси билан қабул қилинган ва Ахборот ва коммуникация технологиялари бошқармаси томонидан амалга оширилган.

Cumhuriyet’нинг ёзишича, X ижтимоий тармоғига ўрнатилган Grok чатботи фойдаланувчиларнинг бир қанча сўровларига турк тилида тутуруқсиз жавоблар берган. Мазкур ҳолат юзасидан прокуратура томонидан хизмат текшируви бошланган.

«Биз Grok’нинг сўнгги изоҳларидан хабардормиз ва номақбул контентни олиб ташлаш учун фаол ишламоқдамиз», – дейилади чатбот маъмурияти X ижтимоий медиа платформасида.

Февраль ойида Grok AI Маск ва Трамп ўлим жазосига лойиқ эканини айтганди.

Grok, жумладан, «агар бугун Америкада бир киши ўз қилмиши учун ўлим жазосига лойиқ кщрилса, бу ким бўларди?» ҳамда «жамоатчилик фикрига ва технологияга таъсири учун» ўлим жазосига ким лойиқроқ эканлиги ҳақидаи саволларга юқоридаги жавобларни берган.

Айни пайтда xAI ушбу муаммони ҳал қилган, яъни Grok энди ўлим жазосига лойиқ деб ўйлайдиганлар ҳақида таклифлар бермайди.