Эронда Исроил ташқи разведка хизматларига жосуслик қилишда айбланган тўрт киши қатл этилди.

Мамлакатнинг IRNA ахборот агентлиги хабарига кўра, 29 декабр, жума куни эрталаб Моссад зобитлари бошчилигида Эрон хавфсизлигига қарши кенг кўламли ҳаракатларни содир этишда айбланган 10 кишидан иборат қўпорувчилик гуруҳининг тўрт нафар аъзоси суд тартибидан сўнг қатл этилган.

Қайд этилишича, маҳбуслар Вефа Ҳенари, Aрам Омери, Раҳмон Перҳазо ва Насим Немозий «мамлакатдаги тартибни бузиш учун сионистик режим (Исроил) билан разведка ҳамкорлиги ва уруш олиб бориш»да айбланган. 

Бундан ташқари, маҳбуслар Моссад зобитлари билан видеоалоқа орқали тўғридан-тўғри алоқада бўлгани, Теҳрон, Ҳормузғон ва Ғарбий Озарбайжон вилоятларида қўпорувчилик ҳаракатлари, шунингдек, мамлакат хавфсизлик идораларида ишлаган шахсларга суиқасд уюштиргани маълум қилинган.

Худди шу иш бўйича қолган олти нафар айбланувчининг ҳар бири  «сионистик режим билан алоқаси учун» 10 йиллик қамоқ жазосига ҳукм қилинди.
​