Вучич яқин кунларда президентликдан кетишини айтди
Сербия президенти Александар Вучич яқин ҳафталар ичида давлат раҳбари лавозимини тарк этишини маълум қилди. Бу ҳақда у Белградда ўз тарафдорлари иштирокидаги митингда сўзлаган нутқида айтиб ўтди.
«Мен президентлик лавозимини ҳеч қачон тарк этмайди, деб айтишарди. Аммо президент сифатидаги сўнгги кунларим ва ҳафталарим қолди. Яна бир неча ҳафта президент бўлиб тураман, шундан кейин истеъфога чиқаман», — деди Вучич.
Унинг сўзларига кўра, у бўлажак парламент сайловларида иштирок этиш ниятида. Шу билан бирга, мамлакатда муддатидан аввал президентлик ва парламент сайловлари ўтказилиши режалаштирилган, аммо уларнинг аниқ санаси ҳозирча эълон қилинмаган.
Вучичнинг ваколат муддати 2027 йилда якунланиши керак эди. Унинг истеъфоси ҳақидаги қарор сўнгги бир ярим йил давомида коррупцияга қарши оммавий намойишлар кучайган бир пайтда янгради.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter