Зеленский идорасида инфекция тарқалди. Президент коронавирусни ўзига юқтирмоқчи бўлганди
Украина президенти Владимир Зеленский идорасида коронавирус инфекцияси тарқалиши қайд этилди. Бу ҳақда «Страна.ua» хабар берган.
Маълумотларга кўра, Зеленскийнинг маслаҳатчиси Руслан Демченко ва вақтинча эгалланган ҳудудларни реинтеграциялаш вазири Алексей Резников коронавирусни юқтириб олишди. Улар яқинда музокаралар учун Парижга бориб, Франция раҳбарининг ташқи сиёсат бўйича маслаҳатчиси Эммануэль Бонн билан учрашишганди.
«Иккаласининг ҳам ташхиси кеча оқшом аниқ бўлган», — деб ёзади нашр.
Аввалроқ Зеленский инфекция «ўлат эмас»лигини ўз мисолида бошқаларга кўрсатиш учун коронавирусни атайлаб юқтирмоқчи бўлганини тан олди. Куни кеча президентнинг рафиқаси Елена Зеленская коронавирусга чалинганини хабар бергандик.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter