Футболчи Лука Модрич "Милан"га ўтди. Италия клубининг хорватиялик ярим ҳимоячи билан шартномаси бир йилга мўлжалланган бўлиб, уни 2027 йилгача узайтириш мумкин. 

“Олтин тўп” соҳиби Лука Модрич Италиянинг “Милан” клуби билан шартнома имзолади, деб хабар берди клуб матбуот хизмати. 

 Хорватиялик ярим ҳимоячи билан шартнома 2027 йилнинг 30 июнига қадар узайтирилиши мумкин ва бир йилга мўлжалланган. 

39 ёшли Модрич "Реал" билан 6 карра Чемпионлар лигаси ғолиби ва "Олтин тўп" соҳиби. Футболчи фаолияти давомида Англиянинг "Тоттенхем" ва Хорватиянинг "Динамо" (Загреб) клубларида ҳам тўп сурган. 

Испания чемпионатининг ўтган мавсумида Модрич "Реал" сафида 35 та ўйин ўтказиб, 2 та гол урган. 2025 йилнинг ёзида хорватиялик Мадрид клубини тарк этганди. Ҳаммаси бўлиб Модрич "Реал" сафида 590 та ўйин ўтказиб, 43 та гол урган. 

Ярим ҳимоячи Хорватия терма жамоаси билан ЖЧ-2018 финалига қадар етиб борган ва 2022 йилда бронза, 2023 йилда эса Миллатлар лигасида кумуш медальни қўлга киритган.