Евро-2024. Франция ва Нидерландия Полшани турнирдан чиқариб юборди
Полша Европа чемпионати плей-офф босқичидан маҳрум бўлган илк терма жамоага айланди.
Нидерландия ва Франция 0:0 ҳисобида дуранг қайд этиши бунга сабаб бўлди. Иккинчи турдан сўнг D гуруҳида жамоалар қуйидагича ҳолатда: Нидерландияда — 4 очко, Францияда — 4, Австрияда — 3, Полшада — 0.
3-турда поляклар австрияликлар билан очколарини тенглаштириб олган тақдирда ҳам турнир жадвалида тепага кўтарила олишмайди: ўзаро учрашувда Австрия Полшани 3:1 ҳисобида мағлубиятга учратган.
Евро-2024 асосий фаворитларидан саналаётган Франция бу турнирда ҳали росмана гол киритгани йўқ: Австрия билан ўйиндаги ғалаба голини рақиблар ўз дарвозасига киритиб қўйганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter