Майк Тайсон vs Рой Жонс: жанг куни аниқ
Яқин ўтмиш юлдузлари — Майк Тайсон ва Рой Жонс (Кичик) ўртасидаги ажойиб тўқнашувга оз муддат қолди. «Темир Майк»нинг рақиби ҳам 2020 йилнинг 12 сентябрида беллашув ўтказилишини ижтимоий тармоқ орқали маълум қилди.
«Тайсон билан жанг ўтказилишидан жудаям хурсандман. Доим бунга тайёр бўлганман, бу сафар ҳам. Барча ишқибозларни ўйинни томоша қилишга ва мени қўллашга чақираман. Бу унутилмас жанг бўлади», — деди Рой Жонс.
Илгари тарқатилган хабарларга кўра, саккиз раундли жанг ўтказилиши мумкин.
Рой Жонснинг рингдаги фаолияти 1989 йилдан 2018 йилгача давом этган. Тўрт йўналиш: ўрта, иккинчи ўрта, яримоғир ва оғир вазнда чемпионликни қўлга киритган. Майк Тайсон эса 1985—2005 йиллардаги фаолиятида фақат супероғир вазнда рингга кўтарилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter