Андроид қурилмалар учун Xabar.uz мобил иловаси. Юклаб олиш ×

Миллионлар ўйини: 10 декабрь — Халқаро футбол куни (фото)

Миллионлар ўйини: 10 декабрь — Халқаро футбол куни (фото)

Коллаж

БМТ 10 декабрни Халқаро футбол куни сифатида белгилаб қўйган. Футбол — дунёдаги энг оммавий спорт тури, 1872 йили биринчи расмий турнир ўтказилган Англия эса унинг ватани саналади. Шу пайтгача 21 марта жаҳон чемпионати ўтказилган.

Милтиқ ўрнига копток

Фото: Universal History Archive/Universal Images Group via Getty Images

1914 йилда футбол тарихидаги энг ғайриоддий ўйинлардан бири бўлиб ўтган: Биринчи жаҳон урушида бир-бирига қарши урушаётган инглиз ва немис аскарлари футболда ҳам куч синашиб кўришган.


Қутб футболи

Фото: Frank Hurley/Scott Polar Research Institute, University of Cambridge/Getty Images

1915 йилнинг 16 февралида Антарктидада ўтказилган футбол турнирида «Эндьюранс» ва «Аврора» кемалари экипажлари куч синашган.


«Ҳаёт матчи»

Фото: В. Никитин. «Номаълум қамал. Ленинград 1941—1944: Фотоальбом»

1942 йилнинг 6 май куни қамалдаги Ленинградда «Динамо» ва Болтиқ флоти ўртасида мусобақа ўтказилган. Афсонавий беллашув кейинчалик «Ҳаёт матчи» номини олди.


«Ўлим матчи»

«Учинчи тайм» фильми (1962 й.)дан кадр

1942 йилнинг 9 августида фашистлар босиб олган Киевда «ўлим матчи» бўлиб ўтган: маҳаллий «Старт» немисларнинг «Флакельф»ига қарши. Ўйин тугаганидан кейин мезбон жамоа аъзоларининг ярми концлагерларга жўнатилган, ярми отиб ташланган.


Энг узоқ вақт давом этган ўйин

Фото: Testlands Support Project

2015 йили энг узоқ давом этган футбол (102 соат)га «Сент-Мэрис» (Англия) стадионига келганлар гувоҳ бўлишган.


Тоғ футболи

Фото: Dana Rösiger /dpa / globallookpress.com

2017 йилнинг 1 июнида Килиманжаро тоғида 30 нафар қиз энг баланд тоғ футболи ўйнашган. «Стадион» денгиз сатҳидан 5730 метр баландликда жойлашган.


Айиқлар орасида

Фото: Marius Vagenes Villanger/Kystvakten/Sjoforsvaret/NTB Scanpix via REUTERS

2018 йилнинг 22 март куни «Свальбард» (Норвегия) музёрар кемаси экипажи Гренландия музликларида футбол ўйнашган. Ўйинчиларни айиқлардан қуролли соқчилар ҳимоялаб туришган.


Ер ости футболи

Фото: ННТВ

2018 йил 24 майида Россиянинг Нижегород вилоятида 70 метр чуқурликдаги конда Арзамаснинг «Шахтёр» жамоаси Пешелан гипс заводи шахтёрларига қарши тўп сурган.


Фазовий футбол

Фото: «Роскосмос»

Футболни исталган жойда ўйнаш мумкин: ХКС космонавтлари Антон Шкаплеров ва Олег Артемьев буни исботлаб ҳам қўйишган.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг