Самарқандда ўтган сайловда FIDEнинг янги президенти сайланди
Қозоғистонлик тадбиркор ва молиячи Тимур Турлов Самарқандда ўтаётган FIDE Бош ассамблеясида Халқаро шахмат федерацияси президенти этиб сайлангани хабар қилинди.
Турлов FIDE тарихидаги саккизинчи президент ва ташкилотни бошқарган биринчи қозоғистонлик бўлди.
Президентлик учун унга германиялик тадбиркорлар Вадим Розенштейн ва Ян Хенрик Бюттнер рақиблик қилди. Беш карра жаҳон чемпиони Вишванатан Ананд эса Турлов билан бирга президент ўринбосарлигига номзод сифатида сайловда қатнашган.
Сайлов Самарқанддаги 46-Бутунжаҳон шахмат олимпиадаси доирасида ўтаётган FIDE Конгрессида бўлиб ўтди.
Эслатиб ўтамиз, аввалроқ сайлов, президентлик учун уч номзод ҳамда уларнинг ўринбосарлари ҳақида хабар берилган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter