2025/2026 ўқув йилида Ўзбекистонда олий таълим ташкилотларида таҳсил олаётган 40 ёш ва ундан катта талабалар сони 53 483 нафарни ташкил этган. Бу ҳақда Миллий статистика қўмитаси маълум қилди.

2010/2011 ўқув йили бошида ушбу кўрсаткич 616 нафар бўлган. Шу даврда 40 ёшдан катта талабалар сони 52 867 нафарга кўпайган.

Маълум бўлишича, 2010/2011 ўқув йилидаги кўрсаткичга нисбатан 2025/2026 ўқув йилида бундай талабалар сони қарийб 87 баробар кўп бўлган.

2015/2016 ўқув йилида 40 ёш ва ундан катта талабалар сони 170 нафарни ташкил этган. 2016/2017 йилда бу кўрсаткич 174 нафар бўлган.

2017/2018 ўқув йилида уларнинг сони 2 142 нафарга етган. Кейинги икки ўқув йилида ҳам ўсиш давом этиб, 2018/2019 йилда 7 004 нафар, 2019/2020 йилда 9 751 нафарни ташкил қилган.

2020/2021 ўқув йилида 10 110 нафар, 2021/2022 йилда 10 531 нафар талаба 40 ёш ва ундан катта бўлган.

2022/2023 ўқув йилида 40 ёш ва ундан катта талабалар сони 20 247 нафарга етган. Бир йилдан кейин бу кўрсаткич 36 113 нафарни ташкил қилган.

2024/2025 ўқув йилида 44 022 нафар талаба ушбу ёш тоифасига кирган. 2025/2026 ўқув йилида эса уларнинг сони яна 9 461 нафарга кўпайиб, 53 483 нафарга етган.

Шу тариқа, сўнгги уч ўқув йилида 40 ёш ва ундан катта талабалар сони 20 247 нафардан 53 483 нафаргача ўсган.