«Samsung Galaxy S9» ва «S9+» қанақа кўринишда бўлиши маълум бўлди (фото)
Номдор инсайдерлардан бири Эван Бласс «Samsung»нинг навбатдаги флагманлари қанақа кўринишда бўлишини маълум қилди.
Ўзининг аниқ тахминлари билан ном қозонган Эван Бласс «Samsung Galaxy S9» ва «S9+» моделлари инновацион камерага эга бўлишини тасдиқлади.
Икки смартфон ҳам ўхшаш дизайнда бўлади — ҳошиясиз 18:9 ўлчамли «Infinity Dispaly», селфи учун камера ва беометрик блоклашдан очиш сенсорлари жамланмаси. Қурилмалар «Super AMOLED» дисплейи ҳажми билан фарқланади: «S9» 5,8-дюймли, «S9+» эса 6,2 дюймли экран билан таъминланади.
Смартфонлар АҚШ ва Хитойда «Qualcomm Snapdragon 845» процессори билан, қолган мамлакатлар учун эса корейс компаниясининг расмий «Exynos 9810» процессорида чиқарилади. Қурилмалар 4 Гбайт ёки 6 Гбайт оператив ҳамда 64 ёки 128 Гбайт қўшимча хотира билан таъминланиши кутиляпти.
Бласс маълумотига кўра янги флагманлар шу йилнинг 16 мартида бозорларга чиқарилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter