Buxoroda firibgar jinoyat ustida ushlandi
Bosh prokuratura huzuridagi Departamentning Buxoro shahar bo‘limi, DXX hamda Milliy gvardiyaning viloyat boshqarmalari tomonidan o‘tkazilgan tezkor tadbirda, fuqaro I.S. boshqa bir fuqaro S.ga vakolatli tanishlari orqali Buxoro shahrida ko‘p qavatli uy-joy qurish uchun yer maydoni ajratib berishni va’da qilib, evaziga firibgarlik yo‘li bilan 10 000 AQSh dollarini olgan vaqtida ashyoviy dalillar bilan ushlangan.
Bu haqda O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining rasmiy Telegram-kanalida xabar berilgan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter