Surxondaryoda soxta advokat ushlandi
Surxondaryo viloyatida fuqaroning turmush o‘rtog‘i bilan ajrashish masalasini tezlashtirib bermoqchi bo‘lgan firibgar qo‘lga tushdi.
Bosh prokuratura huzuridagi Departament hamda DXXning Surxondaryo viloyati boshqarmalari tomonidan o‘tkazilgan tezkor tadbirda, fuqaro Sh.J. o‘zini «M.» advokatlik byurosi advokati deb tanishtirib, shu yo‘l bilan fuqaro B.ning ishonchiga kirib, uning turmush o‘rtog‘i bilan ajrashish masalasini sud tizimida ishlovchi tanishlari bilan gaplashib tez kunda hal qilib berish evaziga 10 mln so‘mni firibgarlik yo‘li bilan olgan vaqtida ashyoviy dalillar bilan ushlangan.
Mazkur holat yuzasidan Sh.J.ga nisbatan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib,tergov harakatlari o‘tkazilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter