Yakshanba kuni kuchli yog‘ingarchiliklar kuzatilishi mumkin
Gidrometeorologiya xizmati dam olish kunlari uchun ob-havo ma’lumotini e’lon qildi.
Bugun respublika bo‘yicha 7-12° iliq bo‘lgan harorat bilan iliq va quruq ob-havo bo‘lishi kutilmoqda.
Ertaga respublika hududining katta qismida yog‘ingarchiliksiz ob-havo saqlanib turadi, faqat shimoliy hududlarga Kaspiy dengizi hududlaridan nam havo massalari kirib keladi, buning hisobiga faqat kechki soatlarda Qoraqalpog‘istonda va Xorazm viloyatida biroz yomg‘ir yog‘ishi kuzatiladi. Havo harorati kechasi 2° sovuq-3° iliqni tashkil etadi, kunduzi 14-17° iliqgacha ko‘tariladi.
Yakshanba kuni ko‘pchilik viloyatlarda yomg‘ir yog‘ishi kuzatiladi. Tog‘larda yog‘ingarchilik, ba’zi joylarda kuchli bo‘ladi. Respublikaning shimolida biroz yomg‘ir yog‘ishi ertalab to‘xtaydi. Harorat kechasi 0-5° iliq atrofida bo‘ladi, kunduzi 8-13° iliqqacha pasayadi.
Respublika bo‘yicha ba’zi joylarga tuman tushishi kutilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter