AQShda Falastin tarafdorlari hibsga olindi
![AQShda Falastin tarafdorlari hibsga olindi](http://static.xabar.uz/crop/1/0/720_460_95_1013178802.jpg)
AQShning Isroilni qo‘llab-quvvatlayotgani uchun prezident Jo Baydenga norozilik bildirgan 50 ga yaqin Falastin tarafdori Nyu-Yorkda hibsga olindi.
Asosan yahudiy faollardan bo‘lgan Falastin tarafdorlari NBC telekanali binosi foyesida bannerlarni ko‘tarib namoyish uyushtirishdi. Namoyishchilar genotsidda ayblangan Isroilni «zudlik bilan o‘t ochishni to‘xtatish»ga, Bayden esa Tel-Avivga yordam berishni bas qilishga chaqirdi.
Namoyishchilarning bannerlaridan birida «Yahudiylardan Baydengacha: Xolokostni qurollantirishni to‘xtating» deb yozilgan.
Nyu-York politsiya departamenti televideniye binosi atrofida va uning qabulxonasida keng qamrovli xavfsizlik choralarini ko‘rdi. Politsiya 50 ga yaqin namoyishchini hibsga oldi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter