Shahar kechmishi qadimgi Rim tarixiga ulanib ketadi. Arxeologlar Bonn bir necha ming yillik tarixga ega deb hisoblaydi. Foto: «Xabar.uz»

Ko‘hna shahar bo‘ylab sayr asnosida bu yerda o‘tmish va zamonaviylik uyg‘unlashib ketganini ko‘rish mumkin. Foto: «Xabar.uz»

Ratusha (shahar hokimligi binosi) XVIII asrda barpo etilgan. Bu yerda o‘z davrida Yelizaveta II, Sharl de Goll, Jon Kennedi, Mixail Gorbachyov, Barak Obama kabi atoqli siyosatchilar nutq irod qilgan. Foto: «Xabar.uz»

Eski shahar markazida 1550 yilda qurilgan alomat favvora keyinroq vayron bo‘lgan, 1777 yilda esa qayta tiklangan. Foto: «Xabar.uz»

Lyudvig van Betxoven yashagan uy. Buyuk san’atkor kindik qoni to‘kilgan shaharda har yili an’anaviy tarzda Beethovenfest musiqa festivali o‘tkaziladi. Foto: «Xabar.uz»

Bonn Yevropaning yashil hududlarga boy shaharlari sirasiga kiradi. Uning uchdan bir qismi xiyobon, o‘rmonzor va yashil hududlardan iborat. Foto: «Xabar.uz»

Shaharda 330 mingdan ziyod aholi istiqomat qiladi. Tahlillarga ko‘ra, keyingi yillarda Yaqin Sharq va Shimoliy Afrikadan ham ko‘plab muhojirlar ko‘chib kelmoqda. Foto: «Xabar.uz»

Bonn universiteti mamlakatdagi qadimiy oliy ta’lim maskanlaridan biri sanaladi. O‘z davrida bu dargohda Fridrix Nitshe, Heynrix Heyne, Lyudvig van Betxoven kabi atoqli shaxslar tahsil olgan. Foto: «Xabar.uz»

Bonnda ham haydovchilardan ko‘ra piyodalarning maqomi balandroq. Foto: «Xabar.uz»

Angliyalik haykaltarosh Entoni Kregg yasagan san’at asari. Abstraksionizm yo‘nalishidagi haykal insoniy qiyofaning yo‘qolishi va olomonlashuv mavzusiga bag‘ishlangan. Foto: «Xabar.uz»

Konrad Adenauer – GFRning ilk kansleri (1949–1963). Mamlakat tarixida o‘chmas iz qoldirgan arbobning hayoti ham Bonn bilan bog‘liq. Germaniya yangi tarixi muzeyidagi surat. Foto: «Xabar.uz»

Olti davlat hududidan oqib o‘tuvchi, 1233 km uzunlikka ega Reyn daryosi tarixan shahar taraqqiyotida muhim rol o‘ynagan. Foto: «Xabar.uz»

Bonn teatr va muzeylari bilan ham sayyohlarni jalb etadi. Foto: «Xabar.uz»

Olmonlar – Yevropaning eng gazetsevar xalqlaridan biri. Germaniya matbuot bozori ko‘lami bo‘yicha Xitoy, Hindiston, Yaponiya va AQShdan keyin 5-o‘rinda turadi. Foto: «Xabar.uz»

Bonn daryo transporti tizimiga ham ega. Foto: «Xabar.uz»

Nils Holgerssonning yovvoyi g‘ozlar haqidagi ertagiga ishlangan haykal. Foto: «Xabar.uz»

Shahar velosipedlar soni bo‘yicha ham yetakchi o‘rinni egallaydi. Foto: «Xabar.uz»

32 tilda material tayyorlaydigan, qariyb 290 mln auditoriyaga ega Deutsche Welle bosh tahririyati Bonnda joylashgan. Foto: «Xabar.uz»

Politsiya mashinalari va tartib posbonlari deyarli ko‘zga tashlanmaydi. Foto: «Xabar.uz»

Jamoat transporti olmoncha daqiqlikda ishlaydi. Foto: «Xabar.uz»

Barcha yo‘llar Bonnga eltadi. Foto: «Xabar.uz»

Ko‘prik biqinida quyosh energiyasi paneli. Mamlakatda qayta tiklanuvchi energiya manbalari, xususan, shamol va quyosh energetikasini rivojlantirishga katta e’tibor qaratilmoqda. 2050 yilda qayta tiklanadigan energiya ulushini 80 foizga yetkazish rejalashtirilgan. Foto: «Xabar.uz»

100 yilli tarixga ega Haribo shirkati Bonn ramzlaridan biriga aylangan. Haribo shirinliklari, xususan, marmeladlari xaridorgir. Foto: «Xabar.uz»