Buxorodagi yong‘inda 9 kishi qutqarildi
Kecha, 8-iyul soat 16:47 da Buxoro shahrining Abdulxoliq G‘ijduvoniy MFY, Bahouddin Naqshband ko‘chasidagi ko‘p qavatli uyning yerto‘lasida yong‘in ro‘y berganligi to‘g‘risida FVBga xabar berilgan.
To‘rtta yong‘in-qutqaruv ekipaji soat 16:51 da voqea joyiga yetib borib, yong‘in soat 17:03 da to‘liq o‘chirilgan.
Ma’lum bo‘lishicha, yerto‘laning taxminan 20 kvadrat metr maydonida chiqindilar yongan.
Yong‘in oqibatida ko‘p qavatli uyning kirish eshigi va yo‘laklarini tutun qoplagani sababli 1-2-3-qavatlardagi xonadonlarda yashovchi 9 kishi FVV qutqaruvchilari tomonidan zudlik bilan evakuatsiya qilinib, birinchi yordam ko‘rsatilgan.
Yong‘in oqibatida tan jarohati olganlar yo‘q. Yong‘inning kelib chiqish sababi va moddiy zarari aniqlanmoqda, deyiladi xabarda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter