Бухородаги ёнғинда 9 киши қутқарилди
Кеча, 8 июл соат 16:47 да Бухоро шаҳрининг Абдулхолиқ Ғиждувоний МФЙ, Баҳоуддин Нақшбанд кўчасидаги кўп қаватли уйнинг ертўласида ёнғин рўй берганлиги тўғрисида ФВБга хабар берилган.
Тўртта ёнғин-қутқарув экипажи соат 16:51 да воқеа жойига етиб бориб, ёнғин соат 17:03 да тўлиқ ўчирилган.
Маълум бўлишича, ертўланинг тахминан 20 квадрат метр майдонида чиқиндилар ёнган.
Ёнғин оқибатида кўп қаватли уйнинг кириш эшиги ва йўлакларини тутун қоплагани сабабли 1-2-3-қаватлардаги хонадонларда яшовчи 9 киши ФВВ қутқарувчилари томонидан зудлик билан эвакуация қилиниб, биринчи ёрдам кўрсатилган.
Ёнғин оқибатида тан жароҳати олганлар йўқ. Ёнғиннинг келиб чиқиш сабаби ва моддий зарари аниқланмоқда, дейилади хабарда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter