Kecha, chorshanba kuni Parijda «Veymar+» formatida Yevropa mudofaa masalalari va Ukrainaga uzoq muddatli yordam masalasiga qaratilgan tashqi ishlar vazirlari darajasida uchrashuv bo‘lib o‘tdi.

Mazkur uchrashuv yakunida Germaniya, Fransiya, Polsha, Italiya, Ispaniya, Buyuk Britaniya hamda Yevropa tashqi harakatlar xizmati va Yevrokomissiya «Veymar+» bayonotini qabul qilgan.

Bayonotda, jumladan, Yevroittifoq Ukrainaga yordamini kuchaytirishga tayyor ekanligi, bosqinchilik urushida Ukrainaning mustaqilligi, suvereniteti va hududiy yaxlitligiga sodiqligi aytiladi.

Shuningdek, bu qo‘llov Ukrainada adolatli va mustahkam tinchlikka erishilgunga qadar davom ettirilishi ta’kidlanadi.

«Bu tinchlik Ukraina va bizning manfaatlarimizni kafolatlashi lozim.

Biz amerikalik ittifoqchilarimiz bilan birgalikdagi harakatlarimizni muhokama qilishni intiqlik bilan kutyapmiz. Bizning umumiy maqsadlarimiz Ukrainani kuchli holatga keltirish bo‘lishi kerak.

Ukraina va Yevropa har qanday muzokaralarning ajralmas qismi bo‘lishi zarur», – deyiladi bayonotda.

Bayonotda, qolaversa, Yevropa qit’asi xavfsizligi umumiy masala ekani ta’kdlangan.