Hindiston poytaxtida havo +47,8 darajagacha qizib ketdi
Hindiston poytaxti Dehli va unga tutash tumanlarda so‘nggi kunlarda +47,8 darajagacha jazirama kuzatildi. Bu haqda kecha, 20-may sanasida India Today nashri xabar berdi.
«Yakshanba kuni (19-may — tahr.) simob ustuni butun Hindiston bo‘ylab kamida 8 ta joyda +47 darajaga yetdi yoki oshib ketdi. Dehlidagi Najafgarhada esa +47,8 daraja qayd etilib, bu tumanni so‘nggi uch kunda ikki marta mamlakatdagi eng issiq joyga aylantirdi», — deb yozdi nashr.
India Today ma’lumotlariga ko‘ra, +47 daraja va unday yuqori harorat Xaryana, Datia, Uttar-Pradesh va Jxansida ham kuzatilgan.
Hindiston meteorologiya departamenti jaziramadan odamlarni ogohlantirib, quyosh nurlaridan himoyalanish, ko‘chaga paxtali oqish tusdagi kiyimlarda chiqish, soyabonlardan foydalanishga chaqirdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter