O‘zbekiston Respublikasi Ichki ishlar vazirligi yuridik shaxslarga ichki ishlar organlarining ekspert-kriminalistik bo‘linmalari tomonidan pullik asosda ekspert, ilmiy-tadqiqot, axboriy xizmatlarini taqdim etadi.

Vazirlik axborot xizmatining xabar qilishicha, xizmatlar quyidagi yo‘nalishlardan iborat:

1. Qalbaki hujjatlar, qimmatli qog‘ozlar, shaxsiy guvohnomalar bo‘yicha ta’lim;

1. Videokuzatuv tizimi imkoniyatlari orqali shaxsiy identifikatsiyani aniqlash;

3. Dvigatel, shassi, avtomashinalarning raqamlarini ro‘yxatdan o‘tkazish va qayta ro‘yxatdan o‘tkazish bo‘yicha tadqiqot olib borish;

4. Hujjatlar, qimmatli qog‘ozlar, lotereya chiptalari, shuningdek, boshqa bosma mahsulotlarning haqiqiyligini qat’iy tartibda tadqiq etib borish;

5. Qo‘lyozma yozuvlari va imzolarni aniqlash bo‘yicha tadqiqot olib borish;

6. Muddati tugagani sababli yo‘qolib qolgan matnlarni qayta tiklash;

7. Vino, araq mahsulotlari va zargarlik buyumlarining tarkibini aniqlash;

8. Kompyuter texnologiyalari sohasida xizmatlar va maslahatlar berish, xususan, raqamli axborot vositalarida yo‘qolgan axborotni tiklash, raqamli axborotni muhofaza qilish bo‘yicha maslahat berish.