Isroil Mudofaa Kuchlari, Razvedka boshqarmasi, Milliy xavfsizlik agentligi va Janubiy Qo‘mondonlik bilan birgalikda o‘tkazgan operatsiyada 6 HAMAS dengiz qo‘mondoni o‘ldirildi. 

"O‘ldirilgan jangarilar "Temir qilichlar" urushi davrida Isroil tinch aholisi va xavfsizlik kuchlariga qarshi dengizda teraktlar uyushtirishni rejalashtirgan. O‘ldirilganlarning bir nechtasi 7 oktyabr kuni shafqatsiz qirg‘inni rejalashtirishda ishtirok etgan", — deya iddao qilinadi Isroil bayonotida. 

Isroil hozirda HAMAS dengiz kuchlariga qarshi harbiy amaliyotlar olib bormoqda. Ular “ko‘p sonli terror nishonlari”, jumladan, harbiy kemalar, qurol-yarog‘ omborlari va XAMASga aloqador boshqa aktivlarni nishonga olmoqda. 

1 iyul kuni Isroil armiyasi G‘azo sektoridagi harbiy amaliyotini yangi hududlarga kengaytirgani va o‘nlab “terrorchilar va yuzlab terror infratuzilma ob’yektlari” yo‘q qilingani haqida xabar bergani ma’lum bo‘ldi. Isroil harbiy-havo kuchlari 24 soat ichida anklavdagi 140 ta harbiy ob’yektga hujum qildi.

Ushbu hujumlarda o‘nlab tinch aholi vakillari ham qurbon bo‘lmoqda. G‘azoda qurbon bo‘lgan tinch aholi soni 55 mingga yaqinlashmoqda.