Mbappe «PSJ»dagi muammolari haqida ochiq gapirdi
![Mbappe «PSJ»dagi muammolari haqida ochiq gapirdi](http://static.xabar.uz/crop/2/2/720_460_95_2275675099.jpg)
O‘tgan yozda Mbappe va rahbariyat o‘rtasida kelishmovchiliklar yuzaga kelgan va u bir muddat mashg‘ulotlardan chetlashtirilgan edi.
«Keyin buni yuzimga aytishdi, qattiq gapirishdi. Luis Enrike va Luis Kampos meni qutqarishdi, ularsiz men boshqa maydonga tusha olmasdim, shuning uchun ham murabbiy va sport direktoridan juda minnatdorman. Men bu mavsumda o‘z darajamdan pastroq o‘ynadim deb o‘ylayman», deydi Kilian Mbappe.
«PSJ» sardori jamoada o‘ziga nima to‘g‘ri kelmaganini ham qayd etdi.
«Meni xafa qilgan narsalar bo‘ldi, lekin buni ochiq ayta olmadim. Chunki murabbiy, futbolchilar va klub xodimlari meni qo‘llab-quvvatlashardi. Ularning yuzlariga tupurib, klubda baxtsiz ekanimni aytishim to‘g‘ri bo‘lmasdi. Lekin jamoada baxtsiz bo‘lishimga sababchi insonlar va holatlar bor edi», deydi u.
2023 yilning avgust oyi boshida «PSJ» shartnomani uzaytirmagani uchun Mbappeni Osiyo bo‘ylab mavsumoldi turnesi uchun jamoa tarkibidan chiqarib tashladi. Biroz vaqt o‘tgach, klub prezidenti Nosir Al-Helayfiy hujumchining tarkibga qaytishiga ruxsat berdi.
Eslatib o‘tamiz, yaqinda «Real Madrid» Mbappeni jahon futboli tarixidagi eng qimmat erkin agent sifatida o‘z safiga qo‘shib oldi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter