Moskvada 1914 yilgi harorat rekordi yangilandi
27 yanvar kuni Moskvada yangi harorat rekordi o‘rnatildi. Moskva vaqti bilan soat 5:00 da harorat 3,3 darajaga, soat 6:00da esa 3,5 darajaga ko‘tarildi. 1914 yilda o‘rnatilgan maksimal ko‘rsatkich 3 daraja edi.
«Moskva 111 yildan beri bunday iliqlikni ko‘rmagan! Rossiya poytaxtida muntazam meteorologik o‘lchovlarning butun tarixi davomida 27 yanvardagi harorat bo‘yicha yangi rekord o‘rnatildi», deb yozdi mutaxassis Yevgeniy Tishkovets.
Sinoptikning bashorat qilishicha, havo harorati kun davomida ko‘tarilishda davom etadi va 6 darajagacha qiziydi.
«Megopolisda yanvar oyining so‘nggi haftasi xuddi aprel oyi ob-havosi kabi bo‘ladi», deya qo‘shimcha qildi Tishkovets.
Avvalroq Rossiya Gidrometeorologiya markazi ilmiy direktori Roman Vilfand yanvar oyi Moskvada meteorologik kuzatuvlar tarixidagi eng issiq oy bo‘lishi mumkinligini aytgan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter