OAV: Eron prezidenti Isroil zarbasida jarohat olgan
Eron prezidenti Masud Pezishkiyon 16 iyun kuni Isroil tomonidan uyushtirilgan hujum chog‘ida oyog‘idan yengil jarohat olgan. Bu haqda Fars agentligi manbalariga tayanib xabar bermoqda.
O‘sha vaqtda Isroil Eron Milliy xavfsizlik oliy kengashi yig‘ilishida Tehronga zarba berdi. Hujum uchrashuv o‘tkazilayotgan binoning kirish joylarini nishonga oldi. Eronning yuqori martabali amaldorlari favqulodda lyuk orqali evakuatsiya qilindi.
Hujum Livandagi Hizbulloh harakati yetakchilaridan biri Hasan Nasrullohni o‘ldirish operatsiyasiga o‘xshatish uchun mo‘ljallangan, deya xabar beradi Fars. Eron rasmiylari sotqin agentning kirib kelishi ehtimolini o‘rganmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter