Ayni paytda Toshkent shahrida bo‘lib o‘tayotgan «Oltin qalam» XIX Milliy mukofotini topshirish marosimining rag‘batlantiruvchi nominatsiyalari bo‘yicha bir guruh jurnalistlar taqdirlandi.

Unga ko‘ra:

1. «Atrof-muhitni asrash va «yashil» iqtisodiyotni targ‘ib qiluvchi eng yaxshi materiallar uchun» – «Oila va tabiat» gazetasining Qoraqalpog‘iston va Xorazm bo‘yicha muxbiri Po‘lat Ermatov;
2. «Davlat  tilini rivojlantirish, nufuzini yanada oshirishga bag‘ishlangan eng yaxshi tahliliy materiallar uchun» – «Yangi Sirdaryo» gazetasi Bosh muharriri Bahrom Boymurotov;
3. «Publitsistik janrdagi eng yaxshi kitob uchun» – «Guliston» Bosh muharriri Mamatqul Hazratqulov;
4. «Ta’lim-tarbiya sohasidagi  islohotlar yoritilgan eng yaxshi materiallar uchun» – «Hurriyat» gazetasi Dilmurod Qirg‘izboyev;
5. «OAVda e’lon qilingan eng yaxshi milliy kontent (materiallar) uchun» – «Daryo.uz» nashrining Andijondagi muxbiri Umidjon Mamarasulov;
6. «Dolzarb mavzudagi eng yaxshi tanqidiy-tahliliy materiallar uchun» –«Qalampir.uz» Bosh muharriri Qamariddin Shayxov;
7. «Umummilliy hamjihatlikni targ‘ib qilish va mustahkamlashga qaratilgan eng yaxshi materiallar uchun» – «Ovozi tojik» gazetasi muxbiri Faridun Yo‘ldoshev;
8. «Yoshlar hayotiga oid eng yaxshi materiallar uchun» – nafaqadagi erkin ijodkor Muqaddas Abdusamatova;
9. «Fuqarolik jamiyati institutlari faoliyatiga bag‘ishlangan eng yaxshi materiallar uchun» – «Siyosat» studiyasi siyosiy sharhlovchisi Inobat Normurodova;
10. «Oila va mahalla hamkorligi bo‘yicha eng yaxshi yoritilgan materiallar uchun» – «Zo‘r TV» «Bu kun» dasturi rahbari Muslimbek Abdurahimov;
11. «Sport sohasi yoritilgan eng yaxshi materiallar uchun» – «Toshkent haqiqati» Bosh muharriri o‘rinbosari Suhrob Sadirov;
12. «Eng yaxshi fotoreportaj uchun» – Husniddin Ato.

Ma’lumot uchun, tanlovning rag‘batlantiruvchi 12 ta nominatsiyasi g‘oliblari diplom, «Oltin qalam» statuetkasi va BHMning 100 barobari miqdorida pul mukofoti bilan taqdirlandi.