Tramp Rossiyaga muhlat berdi
AQSh prezidenti Donald Tramp 50 kun ichida Rossiyaga qarshi sanksiyalar joriy etishini aytdi. Bu Ukraina kelishuvida hech qanday siljish bo‘lmasa sodir bo‘ladi.
Unga ko‘ra, AQSh Rossiya va uning savdo hamkorlariga nisbatan 100 foizlik import bojlarini joriy qiladi.
"Umid qilamanki, bungacha yetib bormaydi", dedi prezident Donald Tramp Ukraina kelishuvida hech qanday o‘zgarishlar bo‘lmagan taqdirda Rossiyaga bojlar joriy etilishi mumkinligi haqida.
Tramp Qo‘shma Shtatlar Ukrainada barqaror tinchlik o‘rnatishdan manfaatdor ekanini ta’kidladi.
Amerika yetakchisi, shuningdek, Rossiyaga qarshi sanksiyalar to‘g‘risidagi qonun loyihasini qabul qilish zarurligiga ishonchi komil emasligini, biroq ikkilamchi tariflarni joriy etish Kongress tomonidan ma’qullanishi talab qilmasligini qo‘shimcha qildi.
Eslatib o‘tamiz, AQSh Ukrainaga qurol yetkazib berishni yana boshlamoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter