Трамп Россияга муҳлат берди
АҚШ президенти Доналд Трамп 50 кун ичида Россияга қарши санкциялар жорий этишини айтди. Бу Украина келишувида ҳеч қандай силжиш бўлмаса содир бўлади.
Унга кўра, АҚШ Россия ва унинг савдо ҳамкорларига нисбатан 100 фоизлик импорт божларини жорий қилади.
"Умид қиламанки, бунгача етиб бормайди", деди президент Доналд Трамп Украина келишувида ҳеч қандай ўзгаришлар бўлмаган тақдирда Россияга божлар жорий этилиши мумкинлиги ҳақида.
Трамп Қўшма Штатлар Украинада барқарор тинчлик ўрнатишдан манфаатдор эканини таъкидлади.
Америка етакчиси, шунингдек, Россияга қарши санкциялар тўғрисидаги қонун лойиҳасини қабул қилиш зарурлигига ишончи комил эмаслигини, бироқ иккиламчи тарифларни жорий этиш Конгресс томонидан маъқулланиши талаб қилмаслигини қўшимча қилди.
Эслатиб ўтамиз, АҚШ Украинага қурол етказиб беришни яна бошламоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter