Tunis qirg‘oqlari yaqinida halokatga uchragan kema halokatidan so‘ng 40 nafar afrikalik muhojirning jasadi topildi, 30 nafari qutqarib olindi. Bu haqda Tunisning Mahdiya shahri prokuraturasi vakili Valid Chtabri AFPʼnashriga ma’lum qildi. 

“Dastlabki tergov kema bortida 70 kishi bo‘lganini ko‘rsatdi”, dedi Chtabri. Uning qo‘shimcha qilishicha, topilgan 40 ta jasad orasida go‘daklar ham bor. 

2022-yilda Tunis qirg‘oqlarida muhojirlarni olib ketayotgan to‘rtta qayiqning ag‘darilib ketishi oqibatida kamida 12 kishi halok bo‘lgan, yana 10 kishi bedarak yo‘qolgan edi. Samolyot bortida jami 120 kishi bo‘lgan, ulardan 98 nafari Sfaks provinsiyasi qirg‘oqlarida qutqarib olingan. 2019-yilda Liviyadan kelgan 82 muhojir Tunis yaqinida qayiqning ag‘darilishi oqibatida halok bo‘lgan edi. Kemada jami 86 kishi bo‘lgan. Tunislik baliqchilar ulardan to‘rt nafarini qutqarishga muvaffaq bo‘ldi. 

2019-yil mart oyida Yevropa Ittifoqi Liviya qirg‘oqlarida 650 000 dan ortiq odamni qutqargan operatsiya tugaganini e’lon qildi. Kontrabandachilarga qarshi kurashish va qochqinlarni qutqarish uchun mo‘ljallangan operatsiya 2015-yilda muhojirlarni olib ketayotgan kema halokatiga javoban boshlangan edi.