Bugundan kuchli beshlik chempionatlarining barchasida navbatdagi tur o‘yinlariga start beriladi. Asosiy va markaziy o‘yinlar esa shanba-yakshanba kunlariga belgilangan. Quyida 5 ta chempionatdagi futbol bahslari haqida gaplashamiz.

Angliya: Stiven Jerrard «Enfild»ga qaytmoqda

Angliya premer ligasining 16-tur uchrashuvlari «Brentford» - «Uotford» uchrashuvi bilan bugun boshlanadi. Ertaga esa Jerrard boshqarayotgan «Aston Villa» Liverpulda mehmon bo‘ladi. Jerrardga «Enfild» begona emasligini futbol muxlislari yaxshi biladi. Ayrim bashoratchilarga ko‘ra, kelajakda aynan Klopning o‘rnini Jerrard egallashi ham mumkin. Shuning uchun bu o‘yin juda muhim.

APL, 16-tur

10 dekabr

Brentford - Uotford

11 dekabr

Manchester Siti - Vulverxempton
Arsenal - Sautgempton
Liverpul - Aston Villa
Chelsi - Lids
Norvich - Manchester Yunayted

12 dekabr

Bernli - Vest Xem
Lester - Nyukasl
Kristal Pelas - Everton

Brayton - Tottenxem o‘yini koronavirus sababli noma’lum muddatga qoldirilgan.

Ispaniya: «Santyago Bernabeu»da Madrid derbisi

«Barselona» Myunxenda yirik hisobda yengilgach, yurishini Yevropa ligasida davom ettiradi. Xavi jamoani ancha qiyin vaziyatda qabul qilib oldi, shuning uchun rahbariyat bilan uchrashib, qoluvchi va ketuvchilarni aniqlashtirib olmoqchi. 17-tur doirasida kataloniyaliklar «Osasuna» mehmoni bo‘lishadi.

Turning markaziy uchrashuvi Madrid derbisidir. «Santyago Bernabeu»da «Atletiko» mehmon bo‘ladi. Mezbonlar Diyego Simeone shogirdlaridan 10 ochkoga oldinlab ketgan bo‘lishiga qaramay, bu o‘yin hamisha qiziqish bilan kutib olinadi.

La-liga, 17-tur

10 dekabr

Malorka - Selta

11 dekabr

Espanol - Levante
Alaves - Xetafe
Valensiya - Elche
Atletik - Sevilya
Vilyarreal - Rayo Valekano
Osasuna - Barselona

12 dekabr

Betis - Real Sosedad
Real Madrid - Atletiko

13 dekabr

Kadis - Granada

Germaniya: «Borussiya» «Bavariya»ni quvib kelyapti

Bundesliganing 15-tur o‘yinlari ham bugundan boshlanadi. Chempionlar ligasida ishonchli g‘alaba qozongan myunxenliklar o‘z uyida «Mayns»ni xotirjam qabul qiladi. Eng yaqin ta’qibchisi «Borussiya»ni esa o‘tgan turda mag‘lub etishgan. Dortmundning «Borussiya»si esa Boxumga safar qiladi va chempionlarni quvishda davom etadi.

Bundesliga, 15-tur

10 dekabr

Kyoln - Augsburg

11 dekabr

Bavariya - Mayns
Boxum - Borussiya D
Gerta - Arminiya
Leypsig - Borussiya M
Frayburg - Xoffenxaym
Volfsburg - Shtutgart

12 dekabr

Groyter Fyurt - Union Berlin
Ayntraxt F - Bayer

Italiya: «Milan» yetakchilikda qoladimi?

Andrey Shevchenko jamoasining bugungi o‘yini bilan boshlanadigan 17-turda musobaqa peshqadami «Milan» safarda «Udineze» mehmoni bo‘ladi. Uning ortidan izma-iz kelayotgan «Inter» va «Napoli» ham milanliklar kabi o‘rtamiyona jamoalarga qarshi o‘ynaydi. Hatto «Inter» raqibi autsayder «Kalyari». Shomurodov o‘ynaydigan «Roma» esa dushanba kuni «Spetsiya»ni qabul qiladi.

A seriya, 17-tur

10 dekabr

Jenoa - Sampdoriya

11 dekabr

Fiorentina - Salernitana
Venetsiya - Yuventus
Udineze - Milan

12 dekabr

Torino - Bolonya
Verona - Atalanta
Napoli - Empoli
Sassuolo - Latsio
Inter - Kalyari

13 dekabr

Roma - Spetsiya

Fransiya: «PSJ» bu gal «Monako»ni yenga oladimi?

So‘nggi turlarda o‘yini chiqmayotganiga qaramay, «PSJ» musobaqa jadvalida ancha ilgarilab ketgan. Ammo parijliklarning «Monako»ga qarshi o‘yini har doim o‘zgacha qiziqish bilan kutib olinadi. Ajablanarlisi, tarkibida yulduz futbolchilari bor «PSJ»ni monakoliklar so‘nggi ikki o‘yinda mag‘lubiyatga uchrata olgan.

1-liga, 18-tur

10 dekabr

Nant - Lans

11 dekabr

Brest - Monpele
Reyms - Sent-Eten

12 dekabr

Lill - Lion
Anje - Klermon
Mets - Loryan
Renn - Nitssa
Trua - Bordo
Strasbur - Marsel
PSJ - Monako