Xitoy AQShni aybladi
XXR TIV binosi.
Odatda AQSh Xitoyni inson huquqlarini buzishda ayblab keladi. XXR tashqi ishlar vazirligi rasmiy vakili Van Venbin tomonidan 18-aprel kuni qilingan bayonot «salomga yarasha alik» bo‘ldi — Xitoy AQShda inson huquqlari buzilayotganidan gap ochdi!
«AQShda inson huquqlari bo‘yicha vaziyat muntazam yomonlashib borayotgani bizning e’tiborimizni tortdi... Bu tizimli xususiyatga ega surunkali muammo», — deya ta’kidladi diplomat brifingda.
XXR TIV rasmiy vakilining aytishicha, Qo‘shma Shtatlar ma’muriyati irqiy kamsitish, jinoyatchilik va zo‘ravonlik kabi dolzarb muammolarni hal qilishi lozimligini isbotlovchi ko‘plab dalillar bor. Van Venbin Amerika huquqiy tizimining nuqsonlariga ham e’tibor qaratdi, ta’kidlashicha, «bu «boylarga foyda keltiruvchi, kambag‘allarni jazolovchi» tizimdir.
«AQSh — so‘nggi 20 yilda har yili o‘q otar qurollar bilan yirik favqulodda holatlar sodir etilgan yagona rivojlangan davlat», — dedi xitoylik diplomat.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter