Yaponiyada rekord darajali mudofaa budjeti qabul qilinishi kutilyapti
Yaponiya Vazirlar mahkamasi 2022-yil uchun mudofaa budjetini tasdiqladi. Harbiy maqsadlar uchun rekord darajadagi — 5,4 trln. iyena ($47 mlrd.) mablag‘ ajratilishi haqida «Associated Press» agentligi xabar berdi.
O‘n yildirki, Yaponiya mudofaa xarajatlari tinmay oshyapti, bu safargi o‘sish 1,1 foiz bo‘ldi. E’tiborli jihati, harbiy yo‘nalishdagi ilmiy tadqiqotlar va ishlanmalarga o‘tgan yilgidan 38 foiz ko‘p, ya’ni 2,55 mlrd. dollar ajratiladi.
AP xabariga ko‘ra, yangi budjet doirasida yapon armiyasi eng so‘nggi turkum qiruvchi samolyotlari, gipertovushli texnologiyalar, sun’iy intellekt yordamida masofadan boshqariladigan uchar qurilmalarga ega bo‘ladi.
Endi mudofaa budjeti loyihasi mamlakat parlamenti tomonidan tasdiqlanishi lozim.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter