АҚШда бу йил қиш ҳар қачонгидан совуқ келди. Миллий метеорология хизмати 21 шаҳарда асрий рекордлар янгилангани ҳақида маълумот берди.

Небраска штатининг Линколн ва Гастингс шаҳарларида ҳарорат -35 ва -34 даражагача пасайиб кетди. Олдинги рекордлар 40 йил аввал кузатилган, аммо у пайтда бундан 20 даража илиқроқ эди: -18 ва -13 даража совуқ.

Айова штатининг Су-Сити шаҳрида ҳарорат -33 даражагача тушди, бундан олдинги рекорд 1936 йили қайд этилган.

Айрим шаҳарларда асрий рекордлар янгиланди: Канзас штатидаги Топека шаҳрида ҳарорат -27 даражагача тушди (эски рекорд 1903 йилда ўрнатилган).

Ҳатто жанубдаги Техас штатида ҳам қаҳратон бу йил забтига олди: Сан-Антонио ва Корпус-Кристида ҳарорат -11 ва -13 даражага пасайди (1895 йилдаги рекорд янгиланди).

Техас ва бошқа штатлардаги ноқулай об-ҳаво қатор муаммоларни келтириб чиқарди, жумладан, электрда узилишлар юз беряпти. Музлашлар ва қор бўронлари юзлаб корхоналар фаолиятини тўхтатиб қўйган. Камида 15 киши қиш қаҳратони қурбонига айланган.