Бельгияда пичоқлашиш: жавобгарликни ИШИД ўз зиммасига олди
Бельгиянинг Лиеге шаҳрида икки нафар полиция ходими ва бир фуқаро ҳалок бўлган пичоқли ҳужум учун жавобгарликни ИШИД ўз зиммасига олди. Бу ҳақда «Haber7» хабар қилмоқда.
Бенямин Ҳерман исмли шахс қамоқда жазо муддатини ўтаётган бўлган. У қамоқхона маъмуриятидан 24 соатга рухсат сўраб уйига кетаётиб, бир кафенинг олдидаги полиция ходимларига пичоқ билан ҳужум қилиб, уларнинг тўппончасини тортиб олган. Икки нафар полиция ходимини отиб ташлаб, йўлдан ўтаётган машинага ҳам ўқ узган.
Воқеани қайд этган камераларни кўздан кечирган хавфсизлик ходимлари Бенямин Ҳерманнинг бир неча марта ўқ узганини, бунинг оқибатида икки полициячи ерга қулаганини кўрган. Тасвирда, шунингдек, воқеага яқин жойдаги лицей биноси олдида ҳам бир неча киши таъқибга олингани қайд этилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter