«Биринчи канал» муҳарририга жазо тайинланди
Останкино туман суди тўғридан-тўғри эфир вақтида Украинадаги урушни тўхтатишни талаб қилиб чиққан Россиянинг «Биринчи канал»и муҳаррири Марина Овсянниковани 30 минг рубль миқдорида жаримага тортди.
У қонунга хилоф равишда оммавий норозилик акцияси ўтказганликда айбдор деб топилди. Овсянникова урушга қарши норозилик намойиши ўтказмаган, бироқ эфир вақтида одамларни урушни қоралашга чақирган.
Шунингдек, Овсянниковага нисбатан Россия Жиноят кодексининг россиялик ҳарбийлар ҳақида «ёлғон ахборотни оммавий равишда тарқатиш» моддаси бўйича текширув давом этмоқда.
Эслатиб ўтамиз, «Биринчи канал» жонли эфирида содир бўлган воқеа катта шов-шув бўлган, ҳолатга Россия президентининг матбуот котиби Дмитрий Песков ҳам муносабат билдирганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter