Чарли Киркнинг эҳтимолий қотили қўлга олинди
Америкалик фаол Чарли Киркни ўлдиришда гумонланаётган 22 ёшли Юта штати фуқароси Тайлер Робинсон қўлга олинди. Робинсоннинг отаси ҳуқуқ-тартибот идораларига ўғлини ҳибсга олишда ёрдам берган. Бу ҳақда CNN манбаларга таяниб хабар берди.
Телеканалнинг хабар беришича, йигит отасига қилган ишини тан олган. Ота ўғлига таслим бўлишини айтган, деб даъво қилмоқда телеканал. Эркак ёшлар жамоатининг пасторини ёрдамга чақирди. Пастор, ўз навбатида, гумонланувчини ҳибсга олган АҚШ маршалларига қўнғироқ қилган.
CNN хабаридан сал олдин АҚШ президенти Доналд Трамп Fox News телеканалига берган интервьюсида жиноятчи қўлга олингани ва уни полицияга яқин кишиси топширганини айтди.Бир кун аввал Федерал қидирув бюроси гумонланувчини қўлга олишга ёрдам берадиган маълумот учун 100 минг доллар мукофот ваъда қилган эди.
Чарли Киркга суиқасд 10 сентябр куни содир бўлган. Фаол шифохонада вафот этган. Доналд Трамп марҳумнинг оиласига ҳамдардлик билдирди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter