«Энди уруш бўлмасин!» – янги папа дунёни тинчликка чақирди
2025 йил 11 май куни Ватикан майдонида илк якшанба ибодатини ўтказган янги папа — Лев XIV дунё давлатларини урушларни тўхтатишга чақирди.
У ўз мурожаатида айниқса Украина ва Ғазо секторидаги можароларга эътибор қаратди ва бу ҳудудларда тинчлик ўрнатилиши кераклигини таъкидлади. Папа Ғазодаги отишмалар дарҳол тўхтатилиши ва асирга олинган фуқаролар озод қилиниши лозимлигини айтди.
Шунингдек, у Ҳиндистон ва Покистон ўртасидаги сулҳни олқишлаб, бу тинчлик узоққа чўзилишига умид билдирди.
«Энди уруш бўлмасин», — дея қатъий мурожаат қилган Лев XIV бугунги вазиятни «бўлак-бўлакда давом этаётган учинчи Жаҳон уруши» деб атади.
Ушбу мурожаат унинг папа сифатидаги биринчи жамоат олдидаги чиқиши бўлиб, уни Ватикан майдонида минглаб одамлар тинглади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter