4 миллиард 240 миллион ёшга кирган қоятош топилди
Ҳиндистонда дунёдаги энг қадимий иккинчи қоятош топилди. Бу ҳақда «New Straits Times» нашри маълумотларига таяниб «Hurriyet» хабар бермоқда.
Ҳиндистон, Хитой ва Малайзия геологлари 8 йил аввал Ҳиндистоннинг Одиша штатида топилган тош устида тадқиқот олиб боришди. Бу қоятош 4 миллиард 240 миллион йиллик тарихга эга экани маълум бўлди.
«Саккиз йилдан бери олиб борилган тадқиқот натижасида қоятош жуда қадимий экани аниқланди. Бу шу пайтгача тадқиқ этилган энг қадимий иккинчи қоятошдир», – деди малайзиялик геолог Ражат Мазумдер.
Энг қадимий қоятош Австралия ғарбидаги Жэк Ҳилл тепалигида топилган эди. Унинг ёши 4 миллиард 400 миилион йил.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter