Франция президентлигига номзодини қўйган шахс ҳужумга учради
Франция президентлигига номзод ва журналист Эрик Земмур Парижнинг Вильпент чеккасида ўзининг биринчи сайловолди митингида ҳужумга учради. Бу ҳақда Closer нашри маълум қилмоқда.
Земмур қўриқчилар ва журналистлар ҳамроҳлигида минбарга кўтарилаётган вақтда томошабинлар гуруҳи орасидан югуриб чиққан эркак унга ҳужум қилган. У қўллари билан номзоднинг бошидан тутиб, уни ерга йиқитишга уринди. Хавфсизлик агентлари ҳужумчини тезда зарарсизлантириб, номзодга нутқини бошлашига имкон беришган. Жиноятчи қасддан зўравонлик қилгани учун қамоққа олинган.
Президентликка номзод ўз баёнотлари туфайли илгари ҳам бир неча бор хотин-қизлар норозилигига сабаб бўлган эди. Айрим мухолифлар уни «ирқчилик ва фашизмда» айблаган.
Шунингдек, Земмур нутқи чоғида ирқчиликка қарши курашаётган фаолларга ҳужум қилгани ҳақида ҳам таъкидлаб ўтилган.
Аввалроқ Eurexpo кўргазмасига ташрифи чоғида Франция президенти Эммануэл Макронга қарата ташриф буюрганлардан бири тухум улоқтирганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter