Германия Украинага илк IRIS-Т ҳаво ҳужумидан мудофаа тизимини топширди — Spiegel
Украина Германиядан ваъда қилинган тўртта IRIS-Т SLM ҳаво мудофаа тизимидан биринчисини қабул қилиб олди. Бу ҳақда Spiegel хабар берди.
Газетанинг ёзишича, ҳаво ҳужумидан мудофаа тизимини топшириш Полша-Украина чегараси яқинида амалга оширилган.
Аввалроқ, Германия мудофаа вазири Кристина Ламбрехт тўртта замонавий ўрта масофага мўлжалланган IRIS-Т ҳаво мудофаа тизимини Украинага етказиб беришни эълон қилган эди.
Маълумот учун, IRIS-Т 6 та давлатда ишлаб чиқарилади. Бу ракета комплекси қисқа масофали ҳаво-ҳаво ракетаси бўлиб, совитилган инфрақизил бошли бош билан жиҳозланган.Уларнинг ҳар бирининг нархи 400 юз минг евро.
Эслатиб ўтамиз, 10-11 октябрь кунлари эрта тонгда Россия қуролли кучлари Украина пойтахти Киевга ракета зарбаси берди. Маълумотларга кўра, Россия Украина шаҳарларига 75 та ракета учирган, улардан 41 таси ҳаво мудофааси ёрдамида зарарсизлантирилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter