Лукашенко коронавирусни «оёқда ўтказиб юборгани»ни тан олди
Беларусь президенти Александр Лукашенко коронавирусни симптомсиз кўринишда ўтказганини тан олди. Бу ҳақда «БелТА» нашри хабар берди.
У мамлакат ИИВ ҳарбий қисмига ташриф буюриб, бироз ўзгарган овози учун узр сўраган ва коронавирусга чалинганини маълум қилган.
Лукашенконинг айтишича, 97 фоиз беларуслар инфекцияни симптомсиз ўтказяпти ва президент улар сафида эканидан мамнун бўлган.
Беларусь коронавирус кириб келса-да, қатъий карантин тартибини жорий этмаган кам сонли давлатлардан бири. Мамлакатда расман 67 366 киши вирус юқтирган ва 543 киши вафот этган.
Эслатиб ўтамиз, Лукашенко жорий йил 24 июнь куни Москвада кечиктирилган Ғалаба парадида қатнашган ва қатор давлат раҳбарлари билан учрашганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter