Медведев Россиядаги сайловларда ким ютишини айтди
Россия Хавфсизлик кенгаши раиси ўринбосари Дмитрий Медведев Россия президенти сайловларида амалдаги президент Владимир Путин ғалаба қилишига ишонч билдирди.
Бу ҳақда ТАСС хабар бермоқда.
«Владимир Путин сайлов кампаниясида қатнашишга, Россия Федерацияси Президенти лавозимига сайланишга розилик бергани яхши», - деди Медведев Россия Конституцияси куни арафасида мактаб ўқувчилари ва талабалар билан учрашувда.
Унинг айтишича, «Путиннинг ҳали президент сифатида қиладиган иши кўп».
Эслатиб ўтамиз, Россия президентлик сайловлари 2024 йил 17 март куни бўлиб ўтади. Путин ушбу сайловларда қатнашишини эълон қилди. 2020 йилда киритилган Конституция ислоҳотларига кўра, у ҳокимиятда 2036 йилга қадар қола олади.
Путиннинг сайловларда қатнашиши кўплаб мухолифларнинг норозилигига сабаб бўлган. Жумладан, қамоқдаги мухолиф Алексей Навалний сайловчиларни Путиндан бошқа ҳар қандай номзодга овоз беришга чақирди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter