Путин икки губернаторни бир вақтда истеъфога чиқарди
Россия президенти Владимир Путин Магадан вилояти губернатори Владимир Печёнийни истеъфога чиқарди. Бу ҳақда «РИА Новости» хабар бермоқда.
Губернатор ўз хоҳиши билан ишдан бўшаш учун ариза ёзган. Губернатор вазифасини вақтинча бажарувчи қилиб Сергей Носов тайинланган. Бунгача у Нижний Тагил шаҳри ҳокими бўлган.
Шунингдек, бугун яна бир амалдор ўз истаги билан ариза ёзган: у Ёқутистон губернатори Егор Борисовдир. Бу ҳақда у ўзининг аккаунтида хабар берган. Унинг сўзларига кўра, кадрлар алмашуви исталган мавқеда бўлиши мумкин экан.
«Мамлакатни тараққий эттириш учун бутунлай янгича стратегик йўлни тутиш керак. Республикага янги раҳбарлар зарур», – дея ёзган Егор Борисов.
Унинг таъкидлашича, Россия давлати фақат ёқутистонлик фуқароларнинг манфаатини ўйлабгина раҳбарларни ўзгартиради.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter