Қозоғистон ғарб санкцияларини четлаб ўтиб, Россияга кўмаклашиш ниятида эмас
Тимур Сулейменов.
Қозоғистон Украинанинг ҳудудий яхлитлигини тан олади, Қримнинг Россия таркибига киришини оқламайди ва ғарб санкцияларини четлаб ўтиб, Россияга кўмаклашиш ниятида эмас. Қозоғистон президенти администрацияси раҳбарининг биринчи ўринбосари Тимур Сулейменов «Euroactive»га берган интевьюсида шуларни таъкидлади.
«Қозоғистон АҚШ ва ЕИ нинг Россияга қарши санкцияларини четлаб ўтиш учун воситага айланмайди. Биз санкцияларга амал қиламиз... Биз Россияга инвестиция киритишда ва Россияга инвестицияларни жалб этишда давом этамиз: бизнинг иқтисодиётимиз бошқачасига ишлаши мумкин эмас. Бироқ биз санкцияга тушган шахслар ёки ташкилотларнинг санкцияланган товарлари ва инвестицияларини назорат қилиш учун бор имкониятимизни ишга соламиз», — деди Сулейменов.
Сулейменов Россия «биз унинг тарафида бўлишимизни истайди», бироқ Қозоғистон Украинанинг ҳудудий яхлитлиги масаласида фақат БМТ қарорини ҳурмат қилади, деди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter