Қозоғистондаги тартибсизликлар давлатга қанча зарар етказгани айтилди
Қозоғистондаги оммавий ва қуролли тартибсизликлар оқибатида давлат бюджетига тахминан 2-3 млрд. доллар миқдорида зарар етказилди. Бу ҳақда президент Тўқаев айтиб ўтди.
Бугун Қосим-Жўмарт Тўқаев видеоконференцалоқа шаклида Европа кенгаши президенти Шарл Мишел билан гаплашди. Учрашув Европа томони ташаббуси билан ташкил этилгани айтилган.
Учрашувда Тўқаев мамлакатдаги умумий ҳолат ва оқибатлар ҳақида батафсил маълумот берган. Унинг айтишича, террорчи ва босқинчилар конституцион тузумни ағдариш ва давлат тўнтариши қилишга уринишган.
Маълум қилинишича, тартибсизликлар оқибатида 1300 га яқин тадбиркорлик объектлари, 100 дан ортиқ савдо марказлари ва банклар жиддий зарар кўрган, 500 га яқин машина ёқиб юборилган, ҳуқуқни ҳимоя қилиш органлари ва тинч аҳоли ўртасида кўплаб қурбонлар кузатилган.
Учрашувда Тўқаев халқаро мажбуриятларга амал қилиниши ва Европа иттифоқи билан ҳамкорлик давом этишини билдирган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter
Изоҳлар мавжуд эмас