Шаҳзода Гарри онасининг жасоратини такрорлади
Шаҳзода Гарри 16 июл куни Анголада миналаштирилган майдонда юриб, онасининг жасоратини такрорлади. Малика Диана 1997 йилнинг январида худди шу иши билан жаҳон афкори оммасининг эътиборини тортганди.
Гарри ҳам онаси бир пайтлар қадам қўйган миналаштирилган майдон бўйлаб юрди, мақсад — HALO Trust хайрия ташкилоти фаолияти натижаларини кўрсатиш.
Шундан сўнг шаҳзода Анголанинг олис қишлоқларидан биридаги болалар учун хавфсизлик машғулотига борди.
«Тўхтанг, қайтинг, катталарга айтинг», — португалча жумлаларни у болаларга қўшилиб такрорлади.
Огоҳликка чақирувчи бу жумлалар Анголада 1975 йилдан 2002 йилгача чўзилган фуқаролар урушидан қолган ер усти миналаридан болаларни ҳимоялашга қаратилган.
«Кўчада ўйнаётган ёки мактабга қатнаётган болаларга қўрқув ёт бўлиши керак. Бу ерда, Анголада ўттиз йилдан ошса ҳамки, уруш оқибатлари ҳар куни инсонлар ҳаётига хавф солмоқда», — шаҳзода Гарри расмий нутқида.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter