Шимолий Македониядаги президентлик сайловида биринчи марта аёл киши ғалаба қозонди
Шимолий Македонияда бўлиб ўтган президентлик сайловида Гордана Силяновска-Давкова ғолибликни қўлга киритди.
Гордана Силяновска-Давкова мухолифатдаги етакчи партия — «Ички македон инқилобий ташкилоти — Македония миллий бирдамлиги демократик партиясидан кўрсатилган номзод бўлиб, чоршанба куни ўтказилган президентлик сайловининг иккинчи босқичида сайлов варақаларининг 99,75 фоизи ишланганидан сўнг 65,14 фоиз овоз тўплади.
Давлат сайлов комиссияси маълумотига кўра, Македония социал-демократлар иттифоқидан номзоди кўрсатилган амалдаги президент Стево Пендаровскига сайловчиларнинг 29,25 фоизи овоз берган.
Гордана Силяновска-Давкова матбуот анжумани ўтказиб, қўллаб-қувватлашгани учун сайловчиларга миннатдорлик билдирди ва «шу лаҳзадан бошлаб» «республиканинг барча фуқаролари президенти» сифатида ишга киришишини маълум қилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter