Супермаркетда йўқотиб қўйилган 12 минг доллар эгасига қайтарилди
АҚШнинг Шрусбери шаҳрида яшовчи 71 ёшли Ван Ха 12 минг доллар пулини маҳаллий супермаркетда йўқотиб қўйди, болаларига атаб йиғиб юрган пулини қаровсиз қолдиришдан хавотирланиб доим ёнида олиб юрган экан.
Пуллари йўқолганини уйига келиб пайқаган аёл, ўзи инглизча гаплаша олмагани учун, жияни билан супермакетга қайтиб боради. Ҳаммаёқни қарашди, дўкон менежери кузатиш камералари ёзувларини синчиклаб текширса ҳам бир наф чиқмади.
Тарвузлари қўлтиқларидан тушиб, машинага ўтириб энди қайтмоқчи бўлиб туришганида, супермаркет менежери кўчага югуриб чиқиб, қувончли хабарни етказди: кимдир пул топиб олибди, эгасига бермоқчи экан.
Пул солинган пакетни топиб олган эркак ўзини Скип деб таништирган. Аёл қувонганидан 300 долларни суюнчисига бериб юборди.
«Билмадим, шундай ибрат кўрсатадиган одамлар яна қанча топиларкан. Аммо бу дунёда яхши инсонлар ҳамон борлиги рост», — деди супермаркет бошқарувчиси.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter