Трамп Мадурога «яхшиликча кетиш»ни таклиф этди
АҚШ президенти Доналд Трамп Венесуэла президенти Николас Мадуро ўз ихтиёрига кўра истеъфога чиқмаса, куч билан кетказиш билан таҳдид қилди.
Трамп Мадуро билан телефон мулоқотида бу ҳақда гапирган деб хабар беради манбалар.
Икки президент Николас Мадуро, унинг шериклари ва уларнинг оилаларига амнистия талабларини муҳокама қилишган. Улар ҳозирда АҚШ санкциялари рўйхатида ва мамлакатда жиноий жавобгарликка тортилиш хавфи остида.
28 ноябр куни The New York Times АҚШ ва Венесуэла президентлари ўртасидаги телефон орқали гаплашув ҳақида хабар берди. Газета хабарига кўра, суҳбат Давлат департаменти Картел де лос Солес (Қуёшлар картели)ни террористик ташкилот деб эълон қилишидан бир неча кун олдин бўлиб ўтган.
АҚШ расмийлари Николас Мадуро картелга раҳбарлик қилаётганига ишонишади.
Сўнгги вақтларда Венесуэла ва АҚШ муносабатлари кескинлашди. Таҳлилчилар ҳатто уруш эҳтимолидан огоҳлантирмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter