Трамп: «Ой бизники»
АҚШ президенти Дональд Трамп Truth Social тармоғида Ой сурати туширилган постни эълон қилиб, унга «The Moon is ours» — «Ой бизники» деган ёзув ва АҚШ байроғини жойлаштирди. Пост 6 сентябр куни эълон қилинган.
Бу баёнот АҚШнинг космосдаги устуворлигини кучайтиришга қаратилган сиёсат фонида янгради. Трамп 2025 йил декабрда имзолаган фармонга кўра, АҚШ 2028 йилгача “Артемида” дастури доирасида астронавтларни Ойга қайтариш, 2030 йилгача эса доимий ой базасининг дастлабки элементларини барпо этишни мақсад қилган.
Шу билан бирга, халқаро ҳуқуқда Ой бирор давлатнинг миллий мулки ҳисобланмайди. 1967 йилги Космос тўғрисидаги шартнома принципларига кўра, Ой ва бошқа осмон жисмларини суверенитет даъвоси, эгаллаш ёки бошқа усул билан миллий мулк қилиб олиш мумкин эмас. Бу тамойил АҚШнинг расмий космик сиёсат ҳужжатларида ҳам қайд этилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter